In my mind

الواحد والله نفسه يعمل كام إسطوانه كده يزبطوا العملي بتاع سنه تالته لكن الواحد مش لاقي وقت نظراً لأن التصميم بياخد وقت طويل

أنا ناوي إن شاء الله أعمل برامج مش ملفات كده مفرفطة

بس ده طبعاً مش حتصله دفعة السنادي لكن أكيد بإذن الله حينفع الدفعات الجايه

دعواتكم بالتوفيق

قسم الفارما الغريب جداً

الواحد مش عارف يعمل إيه في كليتنا الغريبة دي

مش عارف ايه هما عاملين الطلبه أعداء الكلية الأزليين زي عداوة توم وجيري

الواحد لما راح يقدم البحث بعد ما عمل اللي عليه يقولو مش عاوزينه دلوقتي لأن شكلكم كده بتطلسقو الأبحاث

ويطلبو منا إضافات وإضافات

مش عارف هما أصلا بيطلبو الإضافات ليه مع إن الكل متأكد إن مفيش حد بيقرا الكلام ده من الأصل

يالله ربنا يهدينا ويهدي الجميع  يمكن العيب فينا إحنا

back to skool !!

اهوه يا عالم راجعين لأم الدراسة تاني

والله كانت الأجازه حلوة ولذيذة بس حنعمل إيه بقى      تعب كلها تلك الحياه (حلوة الجمله دي)مش كده برضه

الواحد دلوقت بيقلب يشوف الشرايط اللي المفروض الواحد يسمعها بصراحة أنا لما بصيت على كمية الشرايط اللي فوتها إتصدمت بس مش مشكله ربنا يزييح عنا بقى

ييجي كده مثلا 10 شرايط مايكرو و7 فارما وربنا يستر على الباقي

كتاب فظيييع : شكلها باظت

كتاب ساخر بيناقش المجتمع المصري وحياته بشكل مسلي وظرييف

شكلها باظت – ألبوم إجتماعي ساخر

داونلوود

إعلان هام : تحويل نشاط المدونة

إحم إحم …..
بعد ما شوفتو كلكم من وفرة زوار الموقع في التيرم الأول يعني كده 30 نفر حته واحده زارو الموقع على مدي 4 شهور
خمسه وخميسه في عين العدو
وقررت بما إنها بايظه بايظه إني أحول البلوج من النشاط العلمي والطلابي إلى حاجه كده أفك بيها عن نفسي
سواء كانو زمالي حيقروا اللي بكتبه ولا لاء

يعني يعني كده مثلا
أحط صورة عجبتني
أناقش نفسي في حياتي
أحط الصور الهبله إلي أنا بصورها هنا
أي إفتكاسات مواقف والسلام
ونشوف عدد الزوار حيتغير ولا لاء
بما إن الناس مش طايقة أصلاً إنا تسمع عن المذاكرة والطب أكتر من كده

إيه رأيكم ؟؟؟؟؟
ملحوظة !! أنا كتبت إيه رأيكم مع إني مش مستني الرد ومش متوقعه أصلاً وكأني بأذن في مالطا

SURPRIZZE !! OCT-ARCHIVE CD

ترقبوا صدور سي دي شهر أكتوبر

————— IMS-MEGAONE-ARCHIVER I —————

من أهم ما يحتويه السي دي

فيديوهات مايكرو

GRAM STAINING – STERILIZATION – CULTURE MEDIA = 300 MB HQ VIDEOS

شرايح البارا

FASCIOLA  4 SLIDES – SCHITO 5 SLIDES

فيديوهات باثولوجي

6 JARS WITH VOICE COMMENTS

محاضرات متنوعة

إعلان هام

مطلوب مساعدين

في الوظائف الآتيه

————-

1 – uploaders

2 – typewriters

3 – link checkers

4 – audio & video converters

5 – photo & video shoters

6 – recorders

————–

إللي متوفراله كل السبل عنده خبرة كويسة يقولي يا جماعة

وأنا حبقى أقوله على المواصفات الي أنا بشتغل بيها   وحدليه باس ورد موقع التحميل

عاوزين همة عالية منكم يا جماعة

وزي ما بتستفيد أكيد لازم تفيد